ДРялъул бетIер Сергей Меликов гьал къоязда дандчIвана Россиялъул росдал магIишаталъул министр Дмитрий Патрушевгун.
Гьез бицана регионалда агро- промышленнияб комплекс цебетIезабиялъулги, хурухъабазул хIалтIулги, росдал магIишаталъул
нигIматал хIадурулел предприятиязе пачалихъияб кумек гьабиялъулги, лъалъадулеб хурухъанлъи цебетIезабиялъулги ва цогидалги масъалабазул хIакъалъулъ.ГьабсагIаталда рагIалде бахъунеб
буго хуриса тIорщел бакIариялъул хIалтIи. ПиринчI гIезабиялъул рахъ- алъ Дагъистан кIиабилеб бакIалда
бугин абуна федералияв министрас.
«Ракь» абураб пачалихъияб программа гIумруялде бахъинабулаго, республикаялда хIадурун буго
лъалъадулеб хурухъанлъиялъул 66 проект. Гьелъие федералияб министерствоялъ биччазе ккола 360 миллион гъурущ. Субсидиял кьезе руго жеги лъабго проекталъе. ГIаммаб къадаралда Дагъистаналъул хурухъ- абазе щвезе ккола 373 миллион гъурущ.ГIи-боцIухъанлъиялъул хIалгичIара-хьараб буго. ХIажат буго ре- гионалъул ветеринарияб хъулухъалъ боцIул унтабазда хадуб халкквеялъ- ул иш тартибалда бачине.
ДандчIваялда бицана росабалъ ругел гIадамазул гIумруялъе шартIал гIуцIизе ккеялъул хIакъалъулъги.
Гьаб соналда республикаялда гIумруялде бахъинабулеб буго росдал ракьал церетIезариялъул рахъалъ хIадурараб 35 миллион гъурщил кIиго проект.
Кавсарат СУЛЕЙМАНОВА