КIарчанаб, чорокаб, чияхъа щвараб,
ЩайтIан-интернеталъ унтизабураб ,
Дирго миллаталде, магIуги чвахун,
Чанго куплет буго копойго хъвараб

Мага Гуглиясул
Горбода хурхун,
Интернет матушкIа
Муи йихьулищ,
Майсаратил селфи
Сайталдаги лъун,
Сеть ХIасаниласул
Гьими бихьулищ.
Браузер Хатица
Хадуйги лъугьун,
Халид Фейсбукалде
АхIулев вуго,
АхIмад Игнорица
Иргадал, тIадчIун,
ТIолго ясазухъе
Отказ битIулеб.
Ольга Дабуляде
Даитбеговас
Дуниял урхъараб
Хъван буго назму.
Хъайтмаз, гIарацги кьун,
ТIубараб анкьалъ
Эротканалазда
Квелъ балев вуго.
Лъидаго лъалареб
Адресги ричIун,
Суткабаз йорчIуда
Замужни Саля
Саки Къороллъуда
Къваридай пакъир
Цо рекIелгъеялъе
Музонги биччан
Сираж кьижичIого,

Долъухъ кьурулев
Дур Контакт сасараб
Сордо кIваричIин.
Барият кIал балей
Болатханида
Бегло валагьанин
Жиндир блогазухъ.
Мазила Заира
Зодой йоржуней,
Заур Питерскияс
Пиривет биччан
ПатIимат Лайкида
Дуниял кIочон
Дайгьанатил росас
Запросги бачIун
РичIун буго сардаз
Суайбатил Мир
Дабро пожаловать
Жена кьижарал!
Кьварарав гIиявехь
МугIрул тIогьиса
Валяхъе кIалъалев
Вайбералдаса
Бадрудин КIогьорский,
КIодоги йиччан
КIарчанай виртуал
Ячине бокьун.