Талат къоялъ республикаялъул хIукуматалда тIобитIана корона­вирус тIибитIунгутIизелъун гIуцIараб оперативияб штабалъул дан­делъи.

 

   ДРялъул бетIерасул официали­яб сайталда хъвавухъе, вирусалъ унтарал чагIи дагьлъулел руго ре­спубликаялда. Амма букIаниги, сахлъулездасаги цIикIкIараб буго гьабсагIаталда унтаразул къадар.

   Россиялда «Омикрон» абулеб цIияб штаммги тIатун бугелъул, гьелдаса цIуниялъе цIодорлъи гьа­бизе ккелинги лъазабуна гьениб. Гьединго данделъиялда бицана вирус бахун бугищали лъазе, араб анкьалда тестазул кумекалдалъун 66 493 цIех-рех гьабунинги. Тестал дагь гьарурал бакIазда гъорлъ рех­сана ЦIунтIа, Хьаргаби, Лак, Гъу­ниб, Гумбет, ГIахъуша районал ва Дербент, Каспийск, Избербаш ша­гьарал.

  Жакъа къоялде вакцина гьабу­разул къадар бахун буго 685 азарго чиясде. Хасго гьел гIемер руго Гум­бет (81,2 процент), Хив (88,7), До­гъузпара (82,1) районазда.

   Квана-гьекъолел бакIазде QR-кодал рихьизарун гурони гIадамал риччагеян лъазабуниги, кафе-ре­стораназул, тукабазул 80 процен­талъниги гьел гьукъа-къаязул сан гьабулеб гьечIо. Масала, Сергей Меликовас рехсана гьадинал ту­каби: «Арбат-Медиа», «Европей­ский», «Этажи», «Ардар», «Киргу», «ГУМ», «Вегас», «Апельсин», «Мо­сква», «Ильхан», «М-Шат», «Им­пульс», «05ру» ва «Зеленое яблоко».