ДРялъул хIукуматалъул председателасул ишал тIуралев Нюсрет ГIумаров гьал къоязда дандчIвана «Федеральный центр компетенций в сфере производительности труда» АНОялъул эксперталгун. Гьениб бицана «Производительность труда» абураб федералияб проекталъул бутIалъун кколеб «Адресная поддержка повышения производительно­сти труда на предприятиях» абураб миллияб проекталъулъ Дагъистан гIахьаллъиялъул хIакъалъулъ.

   «Производительность труда» абураб проекталда гьоркьобе уна федералияб кIиго проект. «Гьел гIумруялде рахъинариялъулъ Дагъи­станги гIахьаллъизе кколаан 2022 со­налдаса нахъе. Амма республикаялъ­ул хIукуматалъул хIаракаталдалъун, нилъее рес щвана 2020 соналдаго проекталда гъорлъе лъугьине. Гьел­да бан гьабулеб хIалтIуе федералияб бюджеталдаса 2022 соналде кьолеб буго ункъо миллионгун щунусазарго гъурущ», — ан бицана Нюсрет ГIумаровас. Проекталда рекъонкко- леб хIалтIи гIуцIизе буго Гъизля­ралъул «Концерн КЭМЗ» ОАОялдаги Каспийскиялда бугеб «Авиамехани­ческий завод» ОАОялдаги.

    Федералияб централъул №5 макро­регионалъул управлениялъул нух­малъулев Виталий Лапишица бица­на гьеб макрорегионалда гьоркьоре унел субъектазда гьабулеб хIалтIул хIакъалъулъ. «ГьабсагIаталда мил­лияб проекталда гIахьаллъула Рос­сиялъул 70 субъект, ай лъабазар­гоялдаса цIикIкIун предприятие. Дагъистаналъул щуго предприятие­ги хIадур гьабулеб буго проекталда гIахьаллъиялъе», — ян абуна гьес.