Гьал къоязда ДРялъул хIукуматалъул бетIер ГIабдулпатахI ГIамирхановас тIобитIараб данделъиялда бицана Расул ХIамзатовасул юбилеялде гьабизесеб хIадурлъиялъул хIакъалъулъ.
Гьелда бан республикаялда цо-цо бакIал къачIазе гIарац биччаян Москваялде официалияб кагъат битIизе ракIалда буго председателасда. Аслияб куцалда Хунзахъ районалдаги МахIачхъалаялдаги ругел объектал ккола гьел. Масала, гьениб хIукму ккана Расул ХIамзатовасул цIар лъураб Миллияб библиотека капиталияб куцалда къачIазе.
Гьединго Хунзахъ районалъул бетIер НурмухIамад Задиевасул пикруялда рекъон, лъикI букIинаан ЦIада «ХъахIал къункърабазе» ва Расулие лъурал памятникалги, Хунзахъ Культураялъул кIалгIаги, районалда шагьранухалги къачIани.
