1 сентябралде лъимал школалде хIадуризе биччараб 10000 гъурущ кьезе байбихьана улкаялда. Гьеб гIарац щвезе буго школалде унеб лъимер рикIкIун щибаб хъизамалъе. Байбихьуда бицен букIана гьеб гIарац августалъул бащалъи ун хадуб кьезе бугин, амма РФялъул президент Владимир Путиница лъазабуна гьеб тадбир гIедегIизабеян.
ГIарац щвезе бигьалъула Госуслуги сайталда (www.gosuslugi.ru) хъвай-хъвагIай бугев чиясе. Гьанжеялдего гьеб гIарац щварал хъизамалги гIезегIан руго.
Щибаб соналъ 1 сентябралде лъимер школалде къачIалелъул, гIемераб гIарац харж гьабизе кколин гIарз букIунаан улбузул. КIиго, ялъуни лъабго лъимал хъизамалда ругел чагIазул бищун дагьалдаса 30000 гъурущ унеб букIана гьезие ретIел-хьиталъухъниги, цIалуе хIажатаб къайи-цIаялъухъниги кьун.
