FaceBook  in  yt  rss

Рищиял тIоритIизе руго 2018 соналъул 18 марталда

КватIичIого вищизе вуго  улкаялъул президент

 

Дагъистаналдаги байбихьана РФялъул президент вищиялде гьабулеб хIадурлъи. Республикаялъул рищиязул комиссиялъул сайталда лъун руго гьелда бан хIадурарал баянал. Гьенибго кьун буго 8 (8722) 67-12-45 телефоналъул номерги. Гьелде кIалъазе бегьула, рищиязда бан суал бугони.
РФялъул рищиязул централияб комиссиялъул информациялъулгун баянал кьеялъул централъул номер буго гьаб: 8-800-700-20-18. Гьеб хIалтIула ЦИКалъул хIалтIул графикалда рекъон. ИчIабилеб марталдаса 20 марталде щвезегIан гьеб номералда кIалъазе бегьула сордо-къоялъго.
Россиялъул ЦИКалъул хIукму­ялдалъун тасдикъ гьабун буго рищиязул бюллетеналъул лъабго тайпа. ТIоцебесеб – гьаракь кьеялъулаб. КIиабилеб – рищиязул бюллетенал рикIкIунел техникиял алатазул кумекалдалъун гьаракь кьолеб къагIидаялде рекъонкколеб. Лъабабилеб – электроннияб рищиязул бюллетень.
Рищиязул бюллетеназул рехсарал тайпабазда букIине буго кандидатасул фамилияги, цIарги, инсул цIарги; гьавураб сонги, гIумру гьабулеб бакIги, аслияб хъулухъги (гьеб гьечIони – махщелниги); кандидат депутатлъун ватани, гьелъул хIакъалъулъ баянги.
Политикияб партиялъул рахъалдасан рищиязда гIахьаллъулев чиясул цIаралда хадуб хъвазе буго «политикияб партиялъ кандидатлъун вихьизавун вугоян». Жиндиего бокьун гIахьаллъулесул хIакъалъулъ хъвазе буго «жинцаго вихьизавунаян».
Кандидатас бицаралда рекъон, бюллетеналда хъвазе буго «пуланаб партиялъул яги жамгIияб цолъиялъул вакил кколаян», рехсезе буго партиялъул цIарги, гьеб партиялда кандидатас кколеб бакIалъул хIакъалъулъ баянги хъвазе буго.
31 январалъул къаси сагIат анлъго тIубараб гIужалда гьоркьоб къотIизабуна кандидатазул рахъкквеялда бан гъолбасал ракIари. Живго жинцаго кандидатлъун вихьизавурав чияс бакIаризе ккола 300 азарго чиясул гъолбас. Гьебги букIине бегьуларо РФялъул цо субъекталдаса 7500-ялдаса цIикIкIун. Парламенталъулаблъун кколареб партиялъул рахъалдасан рищиязда гIахьаллъулев кандидатас бакIаризе ккола 100 азарго гъолбас (цо субъекталдаса букIине бегьуларо 2500-ялдаса цIикIкIун). 31 январалдаса 10 февралалде щвезегIан Россиялъул ЦИКалъ хIукму гьабизе буго, кинал кандидатазул цIаразул хъвай-хъвагIай гьабизе бугебали президентасул рищиязде.
Агитациялъул хIалтIи байбихьана Россиялъул ЦИКалде президентасул рищиязулъ гIахьаллъизе рази вугилан абун хитIаб гьабураб къоялдаса нахъе. СМИяздасан агитация гьабизе бегьула 17 февралалдаса 16 марталде щвезегIан.

Прочитано 388 раз Последнее изменение Пятница, 02 февраля 2018 11:17
Другие материалы в этой категории: « Сессия ХIаракаталъул хIасил »

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий объязанности главного редактора:

Умахан Амирханович Умаханов

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх