FaceBook  in  yt  rss

11

ДРялъул хIукуматалда

Сундулъго букIине ккола тартиб

 

ДРялъул бетIерас тIобитIараб данделъиялда бицана школазда цебесеб лъайкьеялда

Данделъи байбихьана «Шереметьево» аэропорталда ккараб къварилъи ракIалдещвезабиялдалъун. Владимир Васильевас абуна, хваразда гьоркьов вугин цо дагъистаниявги – 1996 соналда Гъаякент районалда гьавурав Навруз Искандеров. «Гьес бан букIана гIицIго 23 сон. Гьев щун вукIана гIагарал чагIазухъе гьоболлъухъ. Гьес гьанжего гьанже байбихьун букIана букъарулеб гамида хъулухъ гьабизе. ВукIана флоталъул офицерлъун. Гьесул гьечIо эбел-эмен, гьединлъидал кумек гьабизе буго гьесул гIагарлъиялъе», - ян бицана гьес.
Лъималазул ахазул масъалабазул хIакъалъулъ бицана ДРялъул лъайкьеялъул ва гIелмуялъул министралъул заместитель Альбина Аруховалъ. «РФялъул президентасул «Лъайкьеялъул ва гIелмуялъул рахъалъ пачалихъияб политика гIумруялде бахъинабиялъул мурадалда тадбирал гьариялъул хIакъалъулъ» абураб «маялъул» указалда рекъон, лъабгоялдаса анкьго сон барал киналго лъималазе чIезабизе ккола лъималазул ахикь бакI. Гьелда бан, 2013-2016 соназда Дагъистаналда хIалтIизе байбихьана 108 лъималазул ах ва гьениб гьабуна 35 азаргогIанасеб лъимадуе бакI. 2013-2018 соназда хIалтIизе байбихьана 136 лъималазул ах. Амма гьел тадбиразул хIасилалдаги бажаричIо президентасул «маялъул» указ тIубазабун: лъималазул ахикье хьвадулеб буго лъималазул 84 процент. Жеги 18 100 лъимадуе бакI гьабизе ккола гьениб», - ан бицана министралъул заместителалъ.
ГьабсагIаталда Дагъистаналда хIалтIулеб буго 836 лъималазул ах. Гьезда гьоркьоса 756 – муниципалияб, 22 – пачалихъияб ва 58 – хасал бетIергьабазул (гьезда гьоркьоб буго лъабго билдинг-ахги). Аруховалъул баяназда рекъон, захIматаб хIал буго Дагестанские Огни, Хасавюрт ва МахIачхъала шагьараздаги, Гъизилюрт, ГIахъуша, Хайдакъ ва Гъизляр районаздаги. Гьединлъидал, Лъайкьеялъул министерствоялъул пикруялда рекъон, тIоцебесеб иргаялда лъималазул ахал разе ккола гьел муниципалитетазда.
Лъималазул ахал раялъе гьарулел харжазул хIакъалъулъ бицана ДРялъул экономикаялъулгун территориалияб цебетIеялъул министрасул ишал тIуралев ХIажи Султановас. «Киналго лъималазе ахикь бакI гьабизе ккани, хIажалъула 14 миллиардгун щунусго миллион гъуруш. «2018-2021 соназда РФялъул субъектазда лъималазул ахикье 3-7 сон барал лъималазе бакIал гьариялъул хIакъалъулъ» абураб пачалихъияб программаялда рекъон, базе буго 9100 лъималадуе бакI бугеб 57 лъималазул ах. 2019 соналда, хIалтIизе биччазе ккола 1950 лъимадуе бакI бугеб 20 лъималазул ах», - ан бицана гьес.
ДРялъул ралел бакIазулги ЖКХялъулги министр Малик Баглиевас бицана 2019 соналда Дагъистаналда базе бугин 20 лъимадул ахги (1950 бакI) 37 яслиги (7150); 2020 соналда – 35 ясли. Республикаялъу­л инвестициязулаб программаялда рекъон, Дербент ва ЦIунтIа районазда базе буго 60 лъимадуе бакI бугеб цо-цо лъималазул ах.
ДРялъул бетIерасулги хIукуматалъулги администрациялъул пресс-хъулухъ

Прочитано 23 раз Последнее изменение Среда, 15 мая 2019 15:12
Другие материалы в этой категории: « ДРялъул хIукуматалда

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Руководитель-главный редактор:

Камалов Али Ахмедович

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх