FaceBook  in  yt  rss

11

Насраниязул байрам

Иерусалималъул килисаялдаса баракатаб цIа Дагъистаналдеги бачIана

 

Насраниязул пасха кIодо гьабулел къоязда баракаталъу­лабин абулеб цIа щвезабула ду­няла­лъу­л щибаб бакIалде. Насраниязе гьеб ккола кIудияб бай­рамлъун. Гьал къояздайин абуни, Иерусалималдаса гьеб цIа бачIана Дагъистаналдеги. Республикаялъул миллияб политикаялъул ва диниял ишазул рахъалъ министр Энрик Муслимовас бицана дагъистаниял-насраниязда байрам барканин муфти АхIмад-хIажи ГIабдулаевасги, ягьудиязул жамгIияталъул вакил Валерий Дибияевасги.
«Гьеб ккола гIолеб гIелалъе ватIан бокьиялъулгун рухIияб тарбия кьейлъунги», - ян абуна министрас.
МахIачхъалаялъул ва Грозныялъул архиепископ Варлаамида байрамги баркун, ДРялъул бетIер Владимир Васильевас гьесухъе кьуна пасхаялде хIадурулел хасал гьуинчадал – куличал.
«МахIачхъалаялда гIумру гьа­булеб буго Шахсалан ГIисае­валъ. Гьей ккола кондитеразул искусствоялъул рахъалъ дунялалъул чемпионаталда чIел босарай бусурманчIужу. Гьелъ гьал гьуинчадал хIадурана ва со­боралде рачIунел насраниязе сайгъаталъе ритIана. Гьеле гьединаб буго гIемермиллатазулаб нилъер Дагъистан», - ан бицана ДРялъул бетIерас лъималазе сайгъатал рикьулаго.
Хадуб гьес киназдаго байрам баркана ва гьарана рекъелгун хинлъи.

Прочитано 60 раз Последнее изменение Вторник, 07 мая 2019 12:46

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Руководитель-главный редактор:

Камалов Али Ахмедович

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх