«Гьанже заманалъул лъай кьеялда тарбия кьей: аслиял масъалабаздаса цIиял программабаде» — гьединаб темаялда гIуцIараб семинар тIобитIана педагогиял хIалтIухъабазул санайил букIунеб хIасилияб конференциялда.

    Данделъи букIана Республикаялъулаб лъай кьеялъул централда. Гьелда гIахьаллъана кIинусгоялдаса цIикIкIун педагогги, школазул директоразул тарбия кьеялъул рахъалъ заместителалги, классалъул нух- малъулелги.

   ДРялъул лъай кьеялъул ва гIелмуялъул министрасул тIоцевесев заместитель МухIамад ГIабидовас бицана республикаялда лъай кьей цебетIезабиялъулги жамгIияталда педагогасул бугеб кIваралъулги хIакъалъулъ. Лъай кьеялъул рахъалъ пачалихъияб политикаялда кIудияб бакI ккола социалияб жавабчилъи чорхолъ бессарал гIадамал куцаялъин абуна гьес.

   ДРялъул Педагогазул ассоциациялъул председатель, РЦОялъул директор Анжела Байрамбековалъ бицана гьанже заманалъул лъай кьеялда тарбия кьеялъул бугеб кIваралъулги гьеб рахъалъ хIадурараб цIияб программаялъулги хIакъалъулъ.

    Семинаралда бихьизабуна цIалдохъабазулъ ватIаналде рокьи куцаялъул модельги. Бицана гьениб батIибатIиял школазда гьеб рахъалъ бугеб хIалбихьиялъул хIакъалъулъги.

ДРялъул Лъай кьеялъул ва гIелмуялъул министерствоялъул пресс-хъулухъ