МахIачхъалаялда, ГIурус театралда тIобитIана Халкъазда гьоркьосеб театралияб форум. Гьенир гIахьаллъана республикаялъул театразул хIалтIухъаби, театралиял вузазул студентал, Россиялъул батIи-батIиял регионаздаса гьалбал.

 

Тадбир рагьана ДРялъул культураялъул министр Зарема Бутаевалъ. Гьелъ бицана республикаялъул театразул творчествияб гIумруялъул ва гьеб цебетIезабиялъе гьабулеб бугеб хIалтIул хIакъалъулъ. ГьабсагIаталда Дагъистаналда буго 12 профессионалияб театр ва 30-ялдаса цIикIкIун халкъияб театр. Гьединго гьелъ бицана республикаялда тIоритIулел Халкъазда гьоркьосел ва ТIолгороссиялъул театралиял тадбиразулги хIакъалъулъги. Форумалда рукIана дандчIваял, цоцазул хIалбихьиязухъ гIенеккана ва гара-чIварана, театралъул букIинеселъул бицунги.

 

 

Гьенибго Театралъул соналъул гIаламат кьуна ГI. Тахо-Годил цIаралда бугеб Миллияб музеялъухъе.

Дагъистаналъул театразул актерал гIахьаллъараб концертги кьуна форумалъул гIахьалчагIазе.