FaceBook  in  yt  rss

11

Рищиял

Бергьаразе щвела смартфонал

 

Къецалда гIахьаллъизе бегьула бокьарав чи

Россиялъул президент вищулеб къоялъ, ай 18 марталда, Дагъистаналъул рищиязул участкабазда тIобитIизе буго «Фото Проджи» абулеб конкурс. Аслияб къагIидаялъ гьеб тIобитIизе буго Буйнакск, ДагъОгни, Избербаш, Каспийск, МахIачхъала, Хасавюрт ва Южно-Сухокумск шагьаразда.
Конкурсалъул хIакъалъулъ бицана «Дагъистан» РИАялда тIобитIараб пресс-конференциялда «Проджи» басмаханаялъул вакил Асил Аджиевалъги, ДРялъул ЖамгIияб палатаялъул член Дина Бийгишиевалъги блогер Исрапил Исрапиловасги.
Асил Аджиевалъул рагIабазда рекъон, конкурсалда гIахьаллъизе бегьула рищиязде вачIараб бокьараб ригьалъул чи, ва гьес сурат бахъизе ккола «Проджиялъул» хасаб рамкаялдаса пайдаги босун. 20 март щвелалде сурат лъезе ккола социалиял гьиназда ва гьенибго бихьизабизе ккола рищиялъул участок бугеб шагьаралъул цIар, #фотопроджи абун хэштег (масала, #фотопроджи #Махачкала).
Бергьаразе шапакъатал кьезе руго апрелалъул тIоцебесеб къоялъ, МахIачхъалаялда. Бергьенлъи босарав анкьгоясе (щибаб шагьаралдаса цо-цо чи) щола «Apple – iPhone 8» фирмаялъул смартфонал, кIиабилеб бакIалъухъ - Apple iPad Air, лъабабилеб бакIалъухъ – гироскутер.
Дина Бийгишиевалъги бицана ДРялъул ЖамгIияб палатаялъ рахъкколила гьеб конкурсалъул, щайгурелъул жидееги бокьун бугила кIванагIан гIемерал гIолилал рищиялда гIахьаллъизе.
ПалхIасил, конкурсалъул хIакъалъулъ гIатIидго лъазе бокьани, ракке гьаб сайталде: http://photo-prodji.ru/.
Нури Нуриев

Прочитано 244 раз Последнее изменение Понедельник, 12 марта 2018 11:30
hakikat

Эл. почта Этот адрес электронной почты защищён от спам-ботов. У вас должен быть включен JavaScript для просмотра.

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Руководитель-главный редактор:

Камалов Али Ахмедович

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх