FaceBook  in  yt  rss

11

«Тарки-Тау - 2018»

ТIахьаз данде гьаруна

 

Исана анкьабилеб нухалда тIобитIулеб буго
Дагъистаналда тIахьазул выставка-ярмарка

20 сентябралда, Расул ХIамзатовасул цIаралда бугеб библиотекаялда тIобитIулеб буго «Тарки-Тау - 2018» абураб цIаралда гъоркь тIахьазул выставка-ярмарка. Исана гьеб тIобитIулеб буго анкьабилеб нухалда. Выставка-ярмаркаялъул ва гьенир тIоритIизе ругел батIи-батIиял тадбиразул хIакъалъулъ бицана «Тарки-Тау - 2018» проекталъул нухмалъулел Марат ХIажиевас ва Саид Ниналаловас. ТIахьазул выставка тIобитIизе кумек гьабулеб буго ДРялъул Информатизациялъул, бухьеналъул ва гIаммал коммуникациязул министерствоялъ ва ДРялъул Культурая­лъул министерствоялъ.
Исанасеб выставка-ярмаркаялда гIахьаллъана Москваялдаса адабияталъул критик Галина Юзефовичги. Выставка-ярмаркаялда гIахьаллъулел руго «Литературияб газета», «Политика ва экономика» газетазул вакилзабиги.
«Тарки-Тауялъул» тIоцебесеб къоялъ миллияб адабияталъул ва хъвадарухъабазул хIакъалъулъ бицана. Расул ХIамзатовас 95 сон тIубаялде Шапи Казиевас хъвараб «Расул ХIамзатов» абураб тIехьалъул презентацияги тIобитIана.
Выставка-ярмарка халатбахъине буго 22 сентябралде щвезегIан.
Выставкаялъул кIиабилеб къоялъ хъвадарухъан Мариям Ибрагьимовалъ 100 сон тIубаялъул хIурматалда, гьелъул «Имам Шамил» абураб тIехьалъул хIакъалъулъ бицунеб данделъиги тIобитIизе буго.
Лъималазул адабияталъул къоялдайин абуни, миллияб библиотекаялде рачIарал гьитIинал цIалдохъабазе рес щвезе буго Дагъистаналъул пачалихъияб ясикIабазул театралъ бихьизабулеб «Хъазал-хIанкъваби» абураб ясикIабазул спектаклялъухъ ралагьизеги. Гьединго «эркенаб микрофоналдасан» бокьараб кечI рекIехъе рикIкIинеги бегьула лъималаз.
Выставка-ярмарка тIобитIулаго, номинациязда рекъон, выставкаялда лъуразда гьоркьоса бищунго лъикIал тIахьал тIасарищизе руго ахирисеб къоялъ.

Прочитано 72 раз Последнее изменение Понедельник, 24 сентября 2018 10:14
hakikat

Эл. почта Этот адрес электронной почты защищён от спам-ботов. У вас должен быть включен JavaScript для просмотра.

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Руководитель-главный редактор:

Камалов Али Ахмедович

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх