15 июналда Санкт-Петербургалда байбихьана халкъазда гьоркьосеб экономикияб форум (ПМЭФ). Гьелъул аслияб тема ккола – «ЦIияб дунял – цIиял ресал» абураб. Дунялалдаго лъугьарал хиса-басиязда рекъон цIияб экономика гIуцIулеб къагIида бихьизабула гьелъ. Пе- тербургалъул экономикияб форумалда Дагъистаналъул делегациялъе бетIерлъи гьабулеб буго республикаялъул бетIер Сергей Меликовас.

   Форум байбихьилалде Дагъистаналъул бетIер щвана Ленинградалъул блокадаялъул къурбаналлъун лъугьарал гIадамазул хIурматалда ракIалде щвеялъул комплексалде. Гьенив вукъун вуго блокадаялъул заманалда шагьар цIунарал бащдаб миллион чи, гьездаго гьоркьор — 1200 дагъистаниявги. Гьел ккола КIудияб ВатIанияб рагъул бищунго кIудияб вацлъиялъул хабзалал.

    Исана 25-абилеб нухалда тIобитIулеб «Экспофорумалда» Дагъистаналъ тIоцебесеб нухалда буго гIахьаллъи гьабулеб. Экологиялда, гIелмуялда, телекоммуникациязда, маданияталда, туризмалда, нухазул инфраструктураялда хурхараб 15 къотIи-къай гьабизе буго гьениб нилъер республикаялъ. КъотIикъаял гьаризе руго ВТБ (ПАО) банкалъулгун, «Сбербанкалъулгун», «Газпром» компаниялъулгун, «РЖД» ОАОялъулгун. Гьединго форумалда Дагъистаналъ къотIикъай гьабизе буго Коми ва Калмыкия республикабазулгун.

Сергей Меликов форумалда дандчIвазе вуго «Российский экологический оператор» ППКялъул директор Денис Буцаевгун ва «Российская система качества» АНОялъул нухмалъулев Максим Протасовгун ва цогидалгунги.

 П. МухIамадова