ДГУМялъул студентал Баркалаялъул кагътаздалъун кIодо гьаруна улкаялъул президентас.

   Гьал къоязда ДРялъул ГIолилазул рахъалъ министерствоялъул коллегиялда жамгIияб гIумруялда жаниб бихьизабураб хIаракаталъул ва цогидабги жигараб хIалтIуе гIоло президент Владимир Путинил рахъалдаса Баркалаялъул кагътал кьуна 10 гIолохъанчиясе. Гьезда гьоркьов вуго нилъер медуниверситеталъул ункъо студентги.