FaceBook  in  yt  rss

11

Зигари

2018 соналъул 3 июлалда гIумуруялдаса ватIалъана Россиялъул Федерациялъул мустахIикъав энергетик, Дагъистан Республикаялъул пачалихъиявгун жамгIияв хIаракатчи ХIамзат МухIамадович ХIамзатов.


ХIамзат МухIамадович гьавуна 1938 соналъул 25 августалда рагъулав хъулухъчиясул хъизамалда, Сугъралъ росулъ. 1970 соналда лъугIизабуна Ленинградалъул гуми гьарулеб институт, ва гьесие щвана инженер-электромеханикасул махщел. 1974 соналда хIалтIизе лъугьана Дагъистаналъул энергосистемаялде. ЗахIматалъулаб биография байбихьана электросетазул хъулухъалъул кIудияв инженерасул хIалтIудаса. Хадув хIалтIана «Дагъэнергоялъул» районалда букIараб энергетикияб управлениялъул капиталияб бакIал раялъул отделалъул начальниклъун. ХIалтIана Хьаргаби электросетазул директорлъунги. 1983 соналъул маялдаса - «Дагъэнергоялъул» генералияв директорасул заместитель, 1993 - 2006 соназда - «Дагъэнергоялъул» генералияв директор. Гьев кколаан цIатариялъулгун энергетикияб комплексалъул суалазул рахъалъ Дагъистан Республикаялъул президентасул гIакълучиги. Гьесул жигарчилъиялдалъун цIигьабун къачIана Хьаргаби ГЭС, хIалтIизе биччана Ахти ГЭС. 2005 соналда гьесул нухмалъиялда гъоркь хIалтIизе биччана Гъуниб ГЭСги.
ХIамзат МухIамадович кIиго нухалда вищана Да-гъистан Республикаялъул Пачалихъияб Советалъул членлъун. Жигараб гIахьаллъи гьабулаан республикалъул жамгIияб гIумруялъулъ. Гьес бетIерлъи гьабуна ГIабдурахIман-хIажи шайихасул цIаралда бугеб регионалияб жамгIияб гурхIел-рахIмуялъул фондалъе. Гьев кколаан Расул ХIамзатовасул цIаралда бугеб халкъазда гьоркьосеб жамгIияб фондалъул президентги. 2011-2017 соназда нухмалъи гьабуна Дагъистан Республикаялъул ЖамгIияб палатаялъеги.
Кинаб хIалтIуде кканиги, гьес живго вихьизавуна гьабулеб ишалде жавабчилъи цIикIкIарав хIалтIухъан хIисабалда.
ХI. М. ХIамзатовасул хIалтIуе тIадегIанаб къимат кьуна пачалихъалъ. Гьесие кьун рукIана Гьудуллъиялъул ва «Дагъистан Республикаялда цебе гьабураб хъулухъалъухъ» орденал, Дагъистан Республикаялъул ХIурматалъул грамота, «ГIагараб ракьалде рокьиялъухъ» абураб Дагъистан Республикаялъул гIаламат. ХIамзат ХIамзатов кколаан Россиялъул
Федерациялъул ва Дагъистан Республикаялъул мустахIикъав энергетик.
Васильев В. А., ШихсагIидов Х. И., Здунов А. А., Иванов В. В., АхIмадов С. С., Карибов А. Ш., ХIасанов А. М., Давдиев К. М., Ельникова Е. А.,МахIмудов М. Г., Жафаров Р. Д., Идрисов ХI. И., ГIумарова У. А., Толстикова Е. А., МухIамадов А. Д.

Прочитано 108 раз Последнее изменение Вторник, 10 июля 2018 10:52
Другие материалы в этой категории: « Балагьалъ цолъизаруна
hakikat

Эл. почта Этот адрес электронной почты защищён от спам-ботов. У вас должен быть включен JavaScript для просмотра.

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Руководитель-главный редактор:

Камалов Али Ахмедович

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх