КIудияб ВатIанияб рагъда бергьенлъи босиялъул хIурматалда 26 январалда БежтIа росулъ тIоритIана чангъазда хъещтIеялъул рахъалъ къецал. Гьезда гIахьаллъана Россиялъул БахIарчи ГIабдухаликъ Къурбановасул цIаралда бугеб школалъул цIалдохъаби.

Къецал гIуцIун рукIана Гьадахъиъ-Гигьдия кувакьа абураб бакIалда. Гьезда гIахьаллъана лъаб­къогогIанасев цIалдохъан. Гьездаса къокъаби гIуцIана ва можоро рехана. Гьеб рахъалъ цIалдохъабазул гIадлу-низамалъул тIалаб гьабулеб букIана ОБЖялъул нухмалъу­лев Ражаб Ражабовасги физкульту­раялъул учительзаби СагIадула ГIа­радаховасгун МухIамад Халитовасги.
ХIалуцарал къецазул хIасилалда васазда гьоркьор бергьана МухIамад Ражабов (7 "б" кл.) – тIоцебесеб бакI, ГъазимухIамад ГIарадахов (8 "б" кл.) – кIиабилеб бакI ва ГIалисканди ГIумаров (5 "а" кл.) – лъабабилеб бакI.
Ясазда гьоркьор – исана гьел гIа­хьаллъана тIоцебесеб нухал­да – тIоцебесеб бакIалъе муста­хIикъ­лъана Хадижат Сомоева (5 "а" кл.), кIиабилеб бакIалъе – Хадижат. ГIу­марова (6 "б" кл.) ва лъабабилеб ба­кIа­лъе – Жаннат МухIамадова (6 "б" кл.)