Коронавирусалъ унтарал чагIи гIемерлъулел рукIиналда бан, республикаялда киназего вакцина гьабизе ккеялъул бицана ДРялъул бетIерав санитарияв тохтур Николай Павловас.

     Ахираб заманалда цIакъго гIемерлъун руго унтарал. Масала, цебе моцIида жаниб 797 чи унтулев вукIун ватани, гьанже гьеб къадар 1380 чиясде бахун буго.

      Прививка гьабизе тIадаблъун гьабун буго сахлъи цIуниялъул, лъай кьеялъул идарабазул хIалтIухъабазда, даранчагIазда, квана-гьекъолел бакIазда хIалтIулел чагIазда, транспорт бачунел гIадамазда, СПА-салоназда ва гьел гурелги гIемерал гIадамал данделъулел бакIазда хIалтIулезда.

    65 ва цIикIкIун сонал раразда лъазабуна рокъор чIайин.

      Гьединго хIажат гьечIого тIаде-гъоркье инчIого чIаниги лъикIаб букIинин абулеб буго cанитарияв тохтурас.