Ишан босун буго, гIуж рикIкIад гьечIо

 

   Москваялда аскариязда гьоркьоб тIобитIараб боксалъул рахъалъ дунялалъул чемпионаталда Россиялъул тIаса бищараб командаялъул мухъилъ цере рахъана Дагъистаналдаса спортсменал СагIадат ТIалхIатовагун Ражаб Ражабов.

  Дагьал цере Токиоялда рукIарал Олимпиялъул хIаязда битI ккечIей СагIадат гьений цее яхъана 69 кг цIайиялда ва, дандиязда тIад ракIчIарал бергьенлъабиги росун, мустахIикълъана меседил меда­лалъе.

  Гьединабго къагIидаялда данди­яздаса бергьарав Ражаб Ражабовасе­ги аскариязда гьоркьоб дунялалъул чемпионаталда щвана меседил ме­даль.

Улкаялъул командаялъейин абу­ни анкьго меседил, ункъо гIарцул ва цо мазгарул медалалгун турниралда щвана тIоцебесеб бакI. КIиабилеб ва лъабабилеб бакIал ккуна Казах­станалъулгун Узбекистаналъул ко­мандабаз.

 

Темирхан ХIАСАНОВ