Дагъистаналдаса гIолохъанав футболист ХIамид Агъаларов восун вуго улкаялъул тIаса бищараб коман-аялъул кIудияб сияхIалде гъорлъе.
Дагъистаналдаса футболист жеги гьеб сияхIалде восун вукIинчIо.
Гьеб ккола нилъе республикаялъул тарихалда тIоцебесеб хIужа.
Россиялъул тIаса бищараб командаялъул бетIерав тренер Валерий Карпиница ахIун вуго гьев гьениве.
ХIамид Агъаларов гьавуна МахIачхъалаялда, гьесул буго 21 сон. «Анжи» клубалъул школалъ куцарав чи ккола гьев. 2020 соналъул январалда «Уфа» командаялъулгун контрактги хъван, гьениве ана хIазе. Гьанже ахIун вуго улкаялъул миллияб командаялде гъорлъеги.
Икъбал кьеги гьесие футболалъул кIудиял турниразда цеве вахъине.
