FaceBook  tg  in  yt  rss

ЧIиркъатIа росулъа ХIадисов МухIамад вуго хIикматав инсан. ГIумруялъул кIудияб ригьалде вахун вугониги, гIадан бахилаб рекIел цIодорлъиги буго гьесул. ЧIиркъатIа кканщинал лъугьа-бахъиналги лъала гьесда. Росдал тарихалъе материал бакIарулаго, гьесдасан гIемераб кумекги щвана дие. ГIажаиблъизе ккараб жо, росулъ ккарал лъугьа-бахъиназул хIакъалъулъ мухIканго бицуна къо, моцI ва сон.
ЧIиркъатIаса «компьютер»
 
МухIамад гьавуна 1938 соналда. Рагъда хадусел соназ цIалул ургъел гьабизе регIулароан хинкIил ургъел гьабизе ккеялъ ва МухIамадица бицуна цIали гIемер лъикI букIинчIин жиндирилан.  Бищун захIматаб гIелму букIанила математика. Дол соназ экзаменал кьун гурони тIасияб классалде рахъунароан. Гьес тамашалъи гьабун бицуна классалда вукIарав отличникасе гIурус мацIалъул экзаменалъе 3 къимат гурони щвечIеб мехалъ, жиндие 5 къимат щванин. Эбел хвараб соналъ дунял рихун, пикрабазда вукIунаанила жив ва гьеб соналъ 6 классалда гъоркь хутIанила.
Колхозалъул боцIуе вехьлъиги гьабуна гьес, ахил хъаравуллъиги гьабуна, щиб малъаниги инкарги гьабичIо. Гьениса щолеб жоги цIакъ мукъсанаб букIанила, цIакъаб хIалтIи гьабунила колхозал хвезариянги бицуна МухIамадица.
 
Гьаб дур рекIел цIодорлъи кида загьирлъарабилан гьикъидал, гьес абуна 1957 соналда лъади ячун хадуб тIатанила цогидазулъ гьечIеб гьеб пагьму. Гьесул хIакъалъулъ хъвазе цебегоялдаса нахъе пикру букIана, амма хъвадариялъул хIалтIул гIемерлъиялъ кинго квер щолеб букIинчIо. НахъбахъичIого хъвазе багьанаги ккана гьадинаб… Бергьенлъиялъул юбилеялде улкаго хIадурулеб бугелъул, дирго архивалда хъирщадулаго, рагъдаса чIаго тIадвуссарав 11 росуцоясул хвараб сон бихьизабун батичIо дица. ЦIалдохъаби гIагараб ракь лъазабиялде машгъуллъиялъе, дица гьезухъе кьуна хваразул цIарал ва абуна гIагарлъиялде цIехон гьел хвараб сон лъазабеян. Гьез битIун гьабулищали бихьизе, дида хвараб заман лъалел кIигоязул цIаралги журана тIаде. Дидаса цIодорлъи бергьарал цIалдохъабаз, тIубараб сияхIги босун цояв витIун вуго ХIадисил МухIамадихъе ва гьес кинабго мухIкан гьабун хъван гIиссинал «краеведазухъеги» кьун буго. 
Гьединаб цIодорлъиялъул чи вуго МухIамад.
 
Прочитано 382 раз

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий обязанности главного редактора:

Умахан Амирханович Умаханов

_____________________________

 

f1  in1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх