tg  rss

«ХъахIал шалазул» парад

24 сентябралъ МахIачхъалаялъул кIудияб майданалда «Авар мацIалъул мугlалимзабазул цолъиялъ» ва МахIачхъала шагьаралъул администрациялъ тIобитIизе буго «Эбелалъул хъахIаб шал» абураб, Фазу ГIалиевалъул 90 сон тIубаялда хурхун гьабулеб, берцинаб тадбир.                                                                    

 

МВД-ялъул минаялда аскIосан, хъахIал шалал ва гормендаби чIварал руччаби, ясал, кодор гIертIалгун, тIугьдулгун рилълъине руго, майдан къотIун, Фазу ГIалиевалъул памятникалъухъе. Гьениб цIализе буго гьелъул «Эбелалъул хъахIаб шал» поэма ва цогидалги асарал.                                  
Тадбир байбихьизе буго сагIат лъабгоялда. Чара гьечIеб шартI - хъахIаб шал яги гормендо. ГIахьаллъи гьабизе бегьула бокьанщиназ.
Гьелъул хIакъалъулъ гьадин бицана тадбиралъул гIуцIарухъабазул цояй, «Авар мацIалъул мугIалимзабазул ассоциациялъул» нухмалъулей Баху МухIидиновалъ.                    
                                                                                                     

 

- Фазул "Эбелалъул хъахIаб шал" поэма цIаларабго, хъахIал шалалги чIван Фазул памятникалда цебе цIализе лъикIан гьабилан ккана ракIалде. Майдан къотIун доре унел чIана цере. ИчIго-анцIго чи гьенисан унилан, рихьизего рихьиларин, 500 хъахIаб гормендо унеб бугони Фазухъе, кигIан берцингодай букIинаян ккана. Гьевгощинав чи Фазухъеги рилълъун цо поэмаги цIалунищха рукIинел? Киналго миллатазул мугIалимзабиги лъималги журана гъорлъе кучIдул цIализе.
Йилълъана шагьаралъул Администрациялъулгун дандбазе. ЦIакъ рохана, цадахъ тIобитIилилан къотIи-къай гьабуна. Амма рес гьанже гурони ккечIо.
Тадбиралъул мурадги буго Фазу ГIалиевалъул асаразул берцинлъиги, гъварилъиги, борхалъиги, цо асарги кьочIое босун, кIванагIан гIемерал ясазда рагIизабизе, бичIчIизабизе ва гьеб берцин бихьизабизе. Фазу ГIалиевалъ ясазелъидал бищун гIемераб гIакълу, малъа-хъваял нахъе тун ругел. Гьадинаб ракIалдаса унареб тадбирги гьабун, Фазул асарал гIадамазухъе щвей, гьеб цIализе гъира борчIизаби, цIаларалда нахърилълъине кантIи - гьеле аслияб мурад, - ин бицана Баху МухIидиновалъ.                                                            

 

Ашахан Юсупов 

«ХъахIал шалазул» парад
Прочитано 67 раз Последнее изменение Пятница, 23 сентября 2022 12:08

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий обязанности главного редактора:

Зульфия Багатаровна Гаджиева

_____________________________

 

in1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх