tg  rss

Дагъистаналдаса Рамазан Гъазимухlамадов - Россиялъул рахьдал мацlазул учительзабазул бищун лъикlaзул цояв

Гьал ахириял соназ «Бищун лъикIав рахьдал мацIалъул учитель» абураб ТIолгороссиялъул конкурсалдаса бергьенлъаби ва призалъулал бакIалги росун тIадруссунел Дагъистаналдаса мугIалимзаби. Гьезул цIикIкIуниселги ккола авар мацIалъул учительзаби.

Гъоркьиса гьеб конкурсалда кIиабилеб бакIалъе мустахIикълъана Хунзахъ районалъул Уздалросдал гьоркьохъеб школалъул авар мацIалъул учитель Саида ХIусенова.

Гьаб нухалда, регионалияб этапалда чIелги босун, Дагъистаналдаса гьениве гIахьаллъизе ана Гъуниб районалъул Гъоркьияб КIогьориб гьоркьохъеб школалъул магIарул ва гIурус мацIазул учитель Рамазан ГъазимухIамадов.

Исана къец тIобитIиялъе квербакъи гьабуна РФялъул лъайкьеялъул министерствоялъ.

Конкурс гIуцIун букIана лъабго бутIаялдасан. ТIоцебесеб - заочными этапалда цIар букIана «Медиавизитика». Щивав гIахьаллчияс лъабго минуталъулаб видео-роликалда бицине кколаан жиндирго хIалбихьиялъул, хIалтIулъ кIвар кьолел суалазул ва хIалтIизарулел хасал къагIидабазул.

Конкурсалъул финалияб бутIа араб куцалъул ва жиндирго гIахьаллъиялъул хIакъалъулъ бицана Рамазаница нижее.

«Пятигорск шагьаралда тIобитIулеб финалияб бутIаялда гIахьаллъана РФялъул батIи-батIиял субъектаздаса кинавниги 69 учитель.

Гьениб «Педагогикияб мастерская» абураб къецалъул бутIаялда щивав мугIалимас бицана лъикIал хIасилал кьеялъул мурадалда жидецаго хIалтIулъ хIалтIизарулел къагIидабазул. Гьединго кьуна дарсги.

Хадусеб бутIаялде ворчIана 17 учитель. Гьениб нижеца бихьизабизе кколаан мастер-класс. Дица кьуна «Рахьдал мацI-миллаталъул ракI» абураб мастер-класс. Дица дарс кьуна анлъабилеб классалда. Гьел цIалдохъабазе кIудияб асар гьабуна Р.ХIамзатовасул «Авар мацI» абураб кечIалъ.

Ахирисеб, финалияб бутIаялде ворчIана анлъго учитель. Гьенибги нижеца бихьизабизе кколаан цоги мастер-класс. Дир мастер-классалда цIар букIана «ЦIалдохъабазул лъикIал хIасилазул балъголъаби». Гьениб бицана «Моделирование» абураб дица хIалтIизабулеб къагIидаялъул.

Гьеб халатбахъараб къецалъул хIасилалда дун мустахIикълъана лъабабилеб бакIалъе. Дун цIакъ вохарав ва чIухIарав вуго Дагъистаналдаса вакил хIисабалда гьенивги гIахьаллъун, Россиялъул бищун лъикIал рахьдал мацIалъул учительзабазул мухъилъ дир цIарги рехсеялъ. Дица гьаб бергьенлъиги сайгъат гьабула киналго дир ракьцоязе. РикIкIада ругониги, гьезул божилъиялъги, берцинаб рагIудалъун гьабураб кверчIваялъ дие кIудияб къуват кьолеб букIана гьениб», - ян бицана Р. ГъазимухIамадовас.

Гьалеха, исанаги, гIемерал соназ цоцахъе кьун бачIинеб бугеб бергьенлъиялъул тIил, Рамазаницаги гIодоб лъезе течIого, нахъойги борхана.

РакI-ракIалъ баркула Рамазанида гьеб кIудияб бергьенлъи! Гьарула хадубккунги, чIахIи-чIахIиял борхалъабазде роржен гьабизе къуватги, икъбалги, чорхое щулияб сахлъиги!

МухIамад Манапов

Дагъистаналдаса Рамазан Гъазимухlамадов - Россиялъул рахьдал мацlазул учительзабазул бищун лъикlaзул цояв
Прочитано 86 раз

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий обязанности главного редактора:

Зульфия Багатаровна Гаджиева

_____________________________

 

in1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх