Шамил районалъул лъай кьеялъул управлениялъул нухмалъулесул заместитель Иляс ХIусеновас кьурал баяназда рекъон, районалда буго 43 школа: 22 – гьоркьохъеб, анкьго – аслияб ва 14 – байбихьул. Гьенив цIалулев вуго 2653 цIалдохъан. Исана тIоцебесеб сентябралда школалде вачIине вуго 290 цIалдохъан. КIиго сменаялда хIалтIула микьго школа.

   Районалда буго 20 лъималазул ах, лъабго спортивияб школа ва лъималазул искусствоялъул цо школа.

Исана капиталияб ремонт гьабуна анкьго школалда: МачIада, ХIотода ва Гьоор росабазул гьоркьохъел школаздаги, Лъезда, ГеницIороб, Хьонохъ ва ХIокода росабазул байбихьул школаздаги.

   Капиталияб ремонталъул программаялда гьоркьобе ана «МугIрузул лъар» абураб КъахIиб росдал лъималазул ахги.

Нури Нуриев