FaceBook  tg  in  yt  rss

ДРялъул Роспотребнадзоралъ лъазабулеб буго ахираб заманалда нилъеца, хасго лъималаз кваналел нигIматазулъ цIикIкIунеб бугин транс-жиры (химикияб къагIидаялдалъун хисизабураб нах, беэнлъи) ва гьелъ сахлъиялъе заралги гьабулин.

Кваницаги гьабула зарал

Лъималазе хIадурулеб кванилъ транс-жир хIалтIизабизе гьукъун буго РФялда, кванил нигIматал гьарулел фабрикабаздаги гьеб гIемер хIалтIизабуларо. Амма, гали бахъанщинал бакIазда дандчIвалел, хехаб къагIидаялъул квен хIадурулел бакIазда гьелъул кIварго гьабуларо, гьениса босулеб кванилъ (фастфуд) цIикIкIун букIуна заралияб беэнлъи.
Транс-жирал лъугьуна хурдузул нах чанго нухалда гьализабун, чанго нухалда цого нахулъ кванил нигIматал режулел ругони. КъватIазда яги хехго квен гьабулел кафе-рестораназда картошка-фри, пирожкаби ва цогидабги бежулелъул, гIемерисеб мехалда нах хисуларо, гьебин абуни, кIиабилеб ва лъаб­абилеб нухалда гьализабуралдаса сахлъиялъе заралияблъун лъугьуна.
Клиникиял цIех-рехаз бихьизабуна транс-жирал хIалтIизариялъ рекIел унтаби лъугьиналъе хIинкъи цIикIкIунеб букIин. Гьелъ бидурихьал жанисан загIип гьарула, бидулъ холестерин цIикIкIинабула. Гьеб беэнлъи гIемер хIалтIизабулезул чехь гьорола. Цо-цояз абулеб буго рак унтицин лъугьине бегьулин кванилъ транс-жирал гIемер хIалтIизариялъ.
Транс-жирал дандчIвала маргариналъулъ, хурдузул лъамияб нах къвакIизабун лъугьараб нигIматалъулъ, фритюралъуб, микроволновкабазда жаниб бежизеян хIадур гьабун бичулеб т1епулеб цIоросаролъулъ (попкорн), фастфудазда (хехго квен гьабулел бакIазда режарал нигIматал, масала, гIанкIу, ччугIа, гамбургерал, картошка-фри ва гь.ц.), чадил нигIматазулъ (кексал, пирожниял, пончикал) рахьдал бакIалда хIалтIизарулел нигIматазулъ, картошкадул ва цIоросаролъул чипсазулъ, хIадур гьарурал цIорорал нигIматазулъ (пицца, гьанал пирогал) ва гь.ц.
Нагагь этикеткаялда «частично гидрогенизированные масла» абун хъван батани, гьел ккола транс-жирал. 2018 соналдаса байбихьун РФялда гьукъараб буго 2 проценталдаса цIикIкIун транс-жирал гъорлъ бугеб маргарин, кондитерлъиялъул, кулинариял нигIматал къватIире риччазе ва ричизе.

Прочитано 234 раз
Теги
Другие материалы в этой категории: « Ахирзаманалъул гIузру Халкъияб тохтурлъи »

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий обязанности главного редактора:

Умахан Амирханович Умаханов

_____________________________

 

f1  in1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх