FaceBook  tg  in  yt  rss

Вакцина гьабунищ, мунго лъилъанищ?

Коронаялда данде прививка гьабизе бокьарал дагьал гьечIо

Вакцина гьабунищ, мунго лъилъанищ?

 

18 январалда улкаялда байбихьана коронавирусалда данде вакцина гьабизе. Гьеб тадбир унеб буго нилъер республикаялдаги.

 

Нижехъе щварал баяназда рекъон, гьабсагIаталда вакцина гьабун буго 700-ялдасаги цIикIкIун чияс.

Республикаялъул Сахлъи цIуниялъул министерствоялъ 25 январалда тIобитIараб пресс-конференциялда бицана ракIалда бугин 780 000 чиясе прививка гьабизе.

 

Аслияб куцалда гьеб гьабизе буго цIикIкIараб ригьалъул гIадамазе. Амма цо-цоязул тIубан божилъиги гIолеб гьечIо гьеб вакцинаялда.

Киназулгойищ гьединаб пикру бугебали лъазе, нижеца цIех-рех гьабуна батIи-батIияб хъулухъ-ишалъул гIадамазда гьоркьоб.

 

МухIамадгIарип Абакаров, Гъуниб районалъул Гьонода росулъа фельдшер:

 

- Сахлъи цIуниялъул вакил хIисабалда гуребги, гIадан хIисабалдаги, дица абила вакцина гьабизе ккелин. Щайгурелъул гьеб буго вирусалъулаб инфекция. Бокьараб вирусалъулаб унти вакцина гьабун гурони къезабизе кIоларо. Гьеб практика кидаго букIана. РакIалде щвезабе, нилъ гьитIинаб мехалдаги, краснуха, коклюш, бронхит ва цогидалги вирусалъулал унтабазде данде кидаго гьабулаан вакцина.

Гьеб унти буго цIакъ рекIкIаб, заралияб, кутакалда хIинкъи бугеб. Гьелъ сахлъиялъе заралги гьабула.

Гьединлъидал гIадамазе бищун лъикIаб нух буго вакцинация гьаби. Гьайгьай, пачалихъалъеги буго гьелдаса пайда. Вакцина гьабун бугони, гьалгощинал унтарал рукIинаро, дарабазда тIад хвезабулеб гIарац нахъе тIокIлъила.

 

 

- Кин бугониги гIадамазул божилъи гIолеб гьечIоха…

 

- Бокьараб вакцинаялъул букIине бегьула гъая. Гьеб кидаго букIараб жоги буго. Амма вакцинаги кIанцIун рахъун гьабулеб гьечIелъул. Дур температураги бидул кьабиги борцуна, пульсалъул хал гьабула. МухIканаб анализ гьабун гурони, вакцина гьабуларо. Гьелдеги кIвар кьезе ккела.

 

Прочитано 133 раз

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий обязанности главного редактора:

Умахан Амирханович Умаханов

_____________________________

 

f1  in1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх