Театр бокьулел цIикIкIунел руго

 

 

  РикIкIадал районазде сапарал гьаризе хIисабалде босун буго исана Авар театралъ.

   Хасалил ва ихдалил квачалъухъ балагьичIого, Казбек районалде сапарал ризлъулел руго Авар театралъул. Гьениб чIахIиязулъги гIисиназулъги цIикIкIун тIатунеб буго театралияб искусствоялде рокьиги. Араб анкьалъ гьениб бихьизабуна Россиялъул мустахIикъав артист ХIусен Казиевас сценаялда лъураб лъималазул «ЦIогьор» ва чIахIиязе — «Маххул чIужугIадан» спектаклял.

   Театралъул коллективалъулгун ракIрагьарал дандчIваял гIуцIаразе, спектаклязухъ балагьизе рачIаразе «ХIакъикъат» газеталдасан баркала загьир гьабеянги гьарана театралъул нухмалъулез.

   Театралъул сапарал руго ДРялъул Культураялъул министерствоялъул «Мастера сцены жителям Дагестана», «Культура детям Дагестана» ва «Пушкинская карта» проектал гIумруялде рахъинариялде руссарал.

 

 П. ГЬИТIИНОВА.