Лъалищ нужеда?

Дунялалда буго гIага-шагарго кIиазаралда щунусго батIияб тайпаялъул къверкъ.

Гьез гIумру гьабула киса-кибего: хIоразда, лъаразда, хьуцIазда, рохьазда, хIатта чIобогояб авалахъалдацин. Къоркъоца лъабго батIияб къагIидаялъ хIухьел цIала – тIомолъанги, гьуърулъанги, кIалдисанги. Къоркъол щибаб тайпаялъул рукIуна жидерго хаслъаби.
Бищунго кIудияб къверкъ дандчIвала Африкаялда. Гьелъул цIайи лъабго килограммалде, халалъи кIикъого сантиметралде бахуна. Бищунго гьитIинаб къоркъоца гIумру гьабула Америкаялъул Цолъарал Штатазда, гьелъул халалъи кIиго сантиметрцин букIунаро.
Югалъул Америкаялда дандчIвала загьруял къуркъбиги. Индейцаз гьезул загьру, чан гьабизе унелъул, чIоразул тIогьазда бахуна.