Бесдаллъималазул ва сакъатазул ургъалида
18 апрелалда Дагъистаналде ячIана Диана Гурцкая. Гьей ккола РФялъул мустахIикъай артистка, ЖамгIияб палатаялда цебе гIуцIараб хъизамалъул, лъималазул ва улбузул масъалабазул рахъалъ комиссиялъул нухмалъулей.
МахIачхъалаялъул аэропорталда гьелда дандчIвай гьабуна ДРялъул хIукуматалъул нухмалъулесул тIоцевесев заместитель Анатолий Карибовас ва захIматалъулгун социалияб цебетIеялъул рахъалъ министр Изумруд Мугудиновалъ.
Д. Гурцкаялъ бицана МахIачхъалаялде ячIиналъе гIилла кканин канлъукъал лъималазул интернаталдеги, бесдаллъималазул школа-интернатаздеги ва гьединалго цогидалги цIалул идарабаздеги щвезе бокьи ва гьениб бугеб хIал лъазаби.
