4 ноябралда Дагъистаналде вачIун вукIана Россиялъул президентасул СКФОялда вугев вакил Александр Матовников
Гьесда дандчIвай гьабуна республикаялъул нухмалъулев Владимир Васильевас ва ДРялъул бетIерасул ва хIукуматалъул администрациялъул нухмалъулев Владимир Ивановас. Гьел дандчIвана 2000 соналда, хун хадуб, Бихьинчилъиялъул орден кьезе вихьизавун вукIарав рагъулав хъулухъчи Марат Молчановасул эбел ва яц Наталья ва Эйдан Молчановалгун.
Россиялъул президентасул указалдалъун, Марат Молчанов вихьизавун вукIана гьеб орденалъе. Амма фамилиялъулъ гъалатI бугиланги абун, орден кьей нахъбахъун букIун буго. Долдаса нахъе ана анцIила микьго сон. Фамилиялъулъ ккараб гъалатI битIизабизе къваригIунеб батана гьебгощинаб заман. Гьанже гьеб щвана республикаялъул нухмалъиялъул кумекалдалъун.
Гьединго гьел щвана Дербенталде, дандчIвана шагьаралъул гIадамалгун, ана Нарин-Хъалаялде. Дербент шагьаралъул администрациялда тIобитIараб дандчIваялда бицана социалиябгун экономикияб рахъалъ шагьар цебетIезабиялъул хIакъалъулъ.
