FaceBook  tg  in  yt  rss

Халкъазда гьоркьосел проекталги гIумруялде рахъинарулаго

Лъайкьей

 

Дагъистаналъул промышленниябгун экономикияб ва техникияб колледжазул гIумруялдаса

Юридикиял дисциплинабазул преподаватель Мадина Юсуповалъул нухмалъиялда гъоркь гIумруялде бахъинабулеб буго «Ракълиде данде гали тIамизин» абураб проект. Гьелъул аслияб мурад ккола Россиялъул ва къватIисел улкабазул профессионалияб гьоркьохъеб лъайкьеялъул идарабазулгун бухьен щула гьаби, цоцазе хIалтIул хIалбихьиялъул хIакъалъулъ бицин, студентазул гьудуллъи щула гьаби, цадахъ рекъон, цIиял проектал гIумруялде рахъинари. Гьединазул цояблъун ккола тIадехун рехсараб проектги. Гьелъ кумек гьабизе буго студентал ракълиде ва гьудуллъи-вацлъиялде ахIизеги. Проекталда рекъон, Дагъистаналъул техникияб колледжалъул студентал щвана Бакуялде.
Студентал ва преподавателал дандчIвана Азербайжаналъул техникияб университеталъул студенталгун ва преподавателалгун. Ва гъолбасана цадахъ рекъон хIалтIизе гьабураб хIукмуялда гъоркь. Гьединго Дагъистаналдаса гьалбал щвана Бресталъул техникияб университеталдеги. Гьединабго къотIи-къай гьабуна Бресталъул пачалихъияб техникияб университеталда цебе бугеб техникияб колледжалъулгунги.
Дагъистанияз бицана Дагъистаналъулги, гье-лъул гIадатазулги, маданияталъулги, адабияталъулги, тарихалъулги хIакъалъулъ. Студентаз цIалана Дагъистаналъул шагIирзабазул кучIдул гIурус ва миллиял мацIазда. Бресталъулазе рихьизаруна Дагъистаналъул халкъазул миллиял кьурдабиги. Гьединго студентал ва преподавателал щвана Бресталъул хъалаялдеги. Гьениб ракIалдещвезаруна гIагараб ватIаналъул тарихалъул тIанчал. ДандчIваялда бицана цадахъ рекъон гьаризе ругел ишазул хIакъалъулъ. Масала, тIоритIизе руго гIелмиял конференциял, семинарал, культуриял тадбирал ва цогидабги.
Гьебго мурадгун щвана Грозныялъул политехникияб техникумалдеги.
Гьединалго къотIи-къаял гьаруна Москва областалъул Дмитровский институталъулгунги.
Гъоркьиса Дагъистаналъул кIиябго колледжалъ гIахьаллъи гьабуна халкъазда гьоркьосеб «Инсанасул, жамгIияталъул, тIабигIаталъул жакъасел тIалабал» абураб темаялда тIобитIараб гIелмияб конференциялда. Гьенир церерахъарал студентаз ва преподавателаз гьарурал кIалъаял росана «Жакъасеб жамгIияталъул аслиял тIалабал» абураб мажмугIалде.
Шамай Хъазанбиева

Прочитано 468 раз Последнее изменение Вторник, 10 июля 2018 14:22

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий обязанности главного редактора:

Умахан Амирханович Умаханов

_____________________________

 

f1  in1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх