Республикаялда тIадран унел руго ХIамзатил Расул гьавуралдаса 99 сон тIубаялъул хIурматалда тадбирал. Узухъда, аслияб тадбир букIина тIадеялъул, шагIирасул 100-сонилаб юбилей кIодо гьабулелъул. Гьелде хIадурлъи гьабулеб буго тIубараб улкаялдаго.
ГьабсагIаталда хIадур гьабун буго кIудияв поэтас 100 сон баялъул хIурматалда хIадур гьабураб официалияб гIаламат (символика). Нужедаги бихьун букIине гьелъул сурат кьолеб буго жакъасеб номералда.
Гьединго ХIамзатил Расулил юбилеялъул хIурматалда суратал чIвалел руго МахIачхъалаялъул къватIаздаги. «Поэзиялъул театралдаги» кIудияб фотовыставка хIадур гьабун буго гьал къоязда.
