FaceBook  tg  in  yt  rss

Мадугьаллъи

Азербайжаналдаса гьалбал

 

28 июналда Азербайжаналдаса Дагъистаналде бачIана, Кавказалъул бусурбабазул управлениялъул председатель Шейхул-Ислам ХIажи Аллагьшукюр Гуммет огъли Паша-задел нухмалъиялда гъоркь кIудияб делегация. Гьелдаго гьоркьов вуго Азербайжан республикаялъул парламенталъул нухмалъулев Октай Сабирогъли Асадовги.
МахIачхъалаялъул «Уйташ» аэропорталда хIурматиял гьалбадерида дандчIвай гьабуна республикаялъул муфти, шайих АхIмад-хIажи ГIабдулаевас, ДРялъул хIукуматалъул председатель Артем Здуновас, РФялъул Федерациялъул Советалъул председателалъул заместитель Иляс ГIумахановас, хIукуматалъул нухмалъулесул тIоцевесев заместитель Анатолий Карибовас, диниял гIуцIабазул ишазул рахъалъ комитеталъул председатель МухIамад ГIабдурахIмановас ва ДРялъул муфтиясул заместитель АхIмад Кахаевас.
Аэропорталдасаго гьел киналго цадахъ ана КIудияб ВатIанияб рагъул гIахьалчи, машгьурав политикияв хIаракатчи ГIазиз ГIалиевасе бараб памятникалъухъе ва гьениб тIобитIана гьев ракIалдещвезавиялъул хIурматалда гьитIинабго дандеруссин.
Гьелдаса хадуб гьалбал щвана ДРялъул муфтияталде, ва республикаялъул муфтиясул кумекчи МухIамад МухIамадовас гьезие къокъго бицана гьабулеб бугеб хIалтIул хIакъалъулъги, бихьизабуна муфтият жаниб хIебтIун бугеб минаги.
Азербайжаналдаса хIурматиял гьалбал нилъехъе рачIиналъе аслияб гIилла буго пачалихъиявгун жамгIияв хIаракатчи МухIамад-Салам ГIумаханов гьавуралдаса 100 сон тIубаялъул исана тIобитIулеб бугеб тадбиралда гIахьаллъи.

 

 

Прочитано 353 раз Последнее изменение Четверг, 05 июля 2018 11:07
Другие материалы в этой категории: « Вацлъиялъул бухьенал Лъайкьей »

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий обязанности главного редактора:

Умахан Амирханович Умаханов

_____________________________

 

f1  in1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх