Гьал къоязда чванхунцIадалги ран, Гъунисан Гъумекире унеб шагьранухда гьарчал рачIун, нух къан бан букIана транспорталъе. ГамачIгъегъалдаса гьеб бацIцIад гьабизелъун, кIвахI тун хIалтIана гьенир нухазул хIалтIухъаби.

 

   ЦIакъ санагIат гьечIеб, къваридаб бакIалдаса гIебеде унеб нух букIиналъ, гьарчал рачIун, ччукIелал лъугьун, гьенир гIемерал квекIенал ккола чвахунцIадал ранщинахъе.

   Гьеб нухдасан гьединго гIемер уна туристалги. Гьединлъидал респу- бликаялъул Транспорталъул министерствоялъ туристал раччун хьвадулел къокъачагIазде хитIаб гьабуна цIодорго рукIаян ялъуни цIакъго хIажалъи ккун гурони, гьенисан унгеян.