Республикаялъул рес буго, советияб пачалихъалъул заманалдаго гIадин, цIолбол бачIин цIикIкIинабизе. Гьединаб пикру загьир гьабуна гьал къоязда ДРялъул росдал магIишаталъул министрасул заместитель Шарип Шариповас.

Щайгурелъулин абуна гьес, ахираб кIиго соналда жаниб Дагъистаналда кIванила цIибил гIезабиялъул рахъалъ Россиялъул регионазда гьоркьоб цебесеб чIалде бачIине.

«Мисалалъе, гъоркьиса, 237 000 тонна цIолбол бакIарун буго нилъеца. Гьеб буго кIудияб хIаракаталъул хIасил. Нилъедаса хадуб буго Крымги Краснодар крайги.

Гьоркьохъеб хIисабалда, цо гектаралда Дагъистаналда гIезабула 127 центнер цIолбол. Нилъер аниб гIезабураб гьеб нигIмат босизе бокьун играялда чIарал Россиялъул регионазул читIир кIодолъулеб буго», — ян абуна Шарип Шариповас.

  Дагъистаналда гIезабураб цIолбол гьабураб чагъирги коньякги кидаго цIакъ къиматаблъун букIана россиялъулазе. Гьанже цIолбодеги цIакъ хьул лъураб къагIида гьезул.