ХIурматиял газета цIалулел!

«Журавли» гIелмияб ва гIадамал сах гьариялъул идараялъул кумекалдалъун «ХIакъикъат» газеталъул редакциялъгун Россиялъул Халкъазул Ассамблеялъ, исана 16 июлалда МахIачхъалаялда тIобитIизе буго магIарулазул «Миллаталъул цIва» абураб республикаялъулаб фестиваль.
Гьеб тадбир гIумруялде бахъинабулеб буго, ДРялъул хIукуматалъул бетIер ГI. ГIабдулмуслимовасда дандги бан, Р. ХIамзатовасул 100 ва «ХIакъикъат» газеталъул 105 сон тIубаялда хурхун. Фестивалалъул аслияб масъала буго магIарул мацI, адабият ва маданият цебетIезаби, гьелъул кьучIалда халкъазда гьоркьоб гьудуллъи щула гьаби. Фестиваль тIобитIиялъул Положениялда бихьизабухъе, гьенир рукIине руго тIадехун сураталда рехсарал номинациял.

Гьари буго, нужер хIисабалда кинаб номинациялъе щив рекъарав вугевали нижер телеграмалъул гьаб https://t.me/+E8IrnqdZaos4MGNi боталде хъван, ялъуни газеталдаса къотIун гьеб нижехъе, редакциялде почалдаса яги электроннияб адресалде битIеян (hakikat1917@mail.ru). Бегьула сурат бахъун вацапалъул номералде битIизеги: 8(928)950-07-19. Нужер пикрабиги хIисабалде росун, гьелъул хIасил гьабизе буго хасаб жюриялъ.
МагIарул районазул бутIрузде, школазул директорзабазде гьари буго МахIачхъала шагьаралда 2022 соналъул 16 июлалда тIобитIизе бугеб Фестивалалъул кIиабилеб бутIаялде нужер районалъул вакилзабаз батIи-батIиял номинациязда рекъон хIадурлъи гьабиялъе квербакъи гьабеян. Районазде битIун буго гьелъул хасаб Положение. Фестиваль тIобитIизе буго «Журавли» гIелмиябгун гIадамал сах гьариялъул комплексалда, гьаб адресалда: МахIачхъала, Сулахъ шоссеялъул 4-аб. километр. Байбихьи – радал сагIат 10-ялда. Фестиваль тIобитIиялъул Положение батила нужеда «ХIакъикъаталъул» сайталдаги (https://hakikat.info/), телеграм-каналалдаги https://t.me/+E8IrnqdZaos4MGNi