20 миллион хоно — цохIо фермаялъ  

 

  ЛъагIалида жаниб 20 миллион хоно хIадурулеб цех хIалтIизе биччазе буго Буйнакскиялда. «Батырмуразаев» абураб фермеразул магIишат буго гьениб. Гьениб рагьизе буго гьеб цехги.

  ГьабсагIат гьениб лъагIалие хIадурула 10 миллионгIанасеб гIанкIудал хоно. Германиялдаса бачIараб цIияб оборудование рекъезабулеб буго гьабсагIат цехалда. Гьелъул кумекалдалъун жеги 10 миллион хоно тIадеги хIадур гьабизе кIвезе буго гьезул фермаялда. Гьелъул хIасилалда Батырмурзаевазул фермеразул магIишаталъ лъагIалие кьезе буго 20 миллион гIанкIудал хоно.

  Гьеб цIияб хабаралдаса разиго вуго ДРялъул росдал магIишаталъул министр Баттал Батталовги. Гьелъул кумекалдалъун ханаздалъун халкъ хьезабизе кIвелин лъазабуна гьес. «ГьабсагIаталъ нилъер республикаялъ лъагIалие хIадурула 200 миллион хоно, амма хIакъикъаталдайин абуни, халкъалъ квание хIалтIизабулеб буго 900-950 миллионгIанасеб гIанкIудал хоно. Гьелдаса бичIчIулеб буго 700 миллион хоно нилъер гьанибе къватIиса баччулеб букIин.