ТIасияб соналдаса байбихьун республикаялъул ВУЗазда цIалулел студентазе стипендия цIикIкIинабизе буго. Гьединаб указ хъвана Сергей Меликовас гьал къоязда.

1000 гъурущ стипендия щолеб букIарал студентазе 3000 гъурущ, аспирантазе 1500 гъурщил бакIалда 5000 гъурущ кьезехъин буго тIасияб соналъ.

Гьеб гуребги, Москва ва Санкт-Петербург шагьаразда ругел нилъер ракьцоял-студентазе цIикIкIинабулеб буго стипендия. Мисалалъе, 2000 гъурущ щолеб букIарал студентазе  кьезе буго 5000 гъурущ.