ГIиял цIияб тайпа

            ГьанжегIагар ДРялъул хIукуматалъул председателасул заместитель ГIабдулмуслим ГIабдулмуслимов щвана сугъулдерил хъутаналде.

          Гьес хал гьабуна гIиял цIияб тайпа бижизабиялъул хIасилал кинал ругелали. Искусственнияб къагIидаялъ гIияде хьон бичча­ялъул пункт буго гьеб хъутаналда. Гьелъие гIоло пайда босулеб буго «российский мясной меринос» абу­раб тайпаялъул гIиядаса. Дагъиста­налда бугеб федералияб аграрияб гIелмияб централъул (ФАНЦ) ва­килзабазгун «Сугъралъ» агрофир­маялъ хIалбихьулеб буго нилъер гIиял гьанги квасги лъикIлъизабизе.

Хадубккун гьединаб хIалтIи республикалъул цогидал магIишатаздаги гьабизе буго.