«Россия – дир тарих» абураб тарихияб паркалда рагьана «БукIинеселде билет» абураб мультимедияб выставка. Гьелда гIахьаллъула Дагъистаналъул школазул 6-11 классаздаса лъабазаргоялдаса цIикIкIун цIалдохъан.
Нилъер тIолабго улкаялда гIумруялде бахъинабулеб буго «Лъай кьей» абураб миллияб проекталда рекъон хIадурараб «ГIолохъанал профессионалал» абураб регионалияб проект. Гьелъул аслияб мурад буго букIинесеб махщел тIаса бищиялъул рахъалъ гIолилазе кумек гьаби.
Мультимедияб выставкаялда цIалдохъабазе баянал кьола батIи-батIиял махщелазул хIакъалъулъ. Гьелъие хIалтIизарула хIаял-расандаби, мастер-классал ва квестал (приключениял гIемераб расанди). Презентациязухъ балагьулаго ва тестазулал тIадкъаял тIуразарулаго, масала, лъималазе рес щолеб буго «Социалияб предпринимательство» абураб махщелалъе жал хIадур ругищали лъазабизе.
