Республикаялда хиралъулел руго кванил цо-цо нигIматазул багьаби

  Гьезда гьоркьор рехсезе бегьула картошка, гречка гIадал нигIматал.

   Мисалалъе, картошкадул цо кило гьабсагIат МахIачхъалаялда буго 50-55 гъурущ. Дагьаб учузго буго гьеб Буйнакскиялда. Аналитиказул прогнозазда рекъон, тIасияб соналъул ихдаде жеги хиралъизе рес буго картошка. Исана республикаялда мукъсанаб гурони бачIин бакIаризе рес ккун гьечIо гьелъул.

   Гьединго цIакъго багьа бахун буго, мисалалъе, гречкадулги. МахIачхъалаялъул бищун кIудияб дармил централда гьеб буго 77 гъурщиде (цо кг.). Оптовиял базаразда абуни, 110 гъурщиде рагIула гьелъул кило. Дармил централда гьеб учузго чIеялъе гIиллалъун ккун буго цебеккунго гречкадул гьез лъикIаб нахърател гьабун букIин. Мисалалъе босани, бананалъул цо килоцин гречкаялдаса учузго бугин дандеккола аналитиказ. Гьедин базараздагун тукабазда 99 гъурщиде буго бананалъул кило.