FaceBook  tg  in  yt  rss

Лъабго лагералъ рагьана нуцIби Лъабго лагералъ рагьана нуцIби Лъабго лагералъ рагьана нуцIби

 

   Дагьаб цебегIан Шамил районалъул МачIада росулъ рагьана Расул ХIамзатовасул цIар кьураб лъималазул цIияб лагерь. Гьеб рагьиялъул хIурматалда рохалилаб тадбирги тIобитIана гьениб.

   Шамил райадминистрациялъул пресс-хъулухъалъул хIалтIухъан Меседо Ибрагьимовалъ гьадин бицана лагералъул хIакъалъулъ: «МачIада росдада тIаса, рохьил ахалъуда, гIатIидаб майданлъиялда буго лъималаз риидалил хIухьбахъиялъе бараб гьеб комплекс.

   Бихьарасда гурони, гьениб бугеб берцинлъиялъул бицун бичIчIиларо. БацIцIадаб гьаваялъги, сверухъ ругел батIи-батIиял гъутIбузги, хIанчIаз рачунел бакъназги хIайран гьабураб гьеб сверухълъи, жеги берцин гьабулеб букIана гьенире рачIарал лъималазухъ балагьидалги.

   Лъимал спорталъе ва кьурдуе ругьун гьаризе, гьединго эркенаб заманалда гьел цIалдезе ва батIи-батIиял хIаял тIоритIизе шартIалги чIезарун руго гьенир.

   Лагерь рагьизе кьучI лъурав ва жиндиргоги гIагарлъиялъулги кумекалдалъун гьеб базе кумек гьабурав чи ккола райсобраниялъул депутат ШейхмухIамад Шамилов», - ян.

   Шамил районалъул нухмалъулесул заместитель МахIач МахIачевасул рагIабазда рекъон, Расул ХIамзатовасул цIаралда МачIада барабги малъун, гьанже лъабго лагерь буго районалда.

   - Рорхатал мугIрузда гьоркьоб, лагерь базе дагьаб санагIалъи гьечIеб бакI букIиналъ, гIемераб къоги бихьанин абизе бегьула Ш. Шамиловасда. Бугониги, жиндаго ракIалде ккараб иш рагIалде бахъинабуна гьес. Гьанже МачIада буго 260 лъимер къабул гьабизе кIолеб берцинаб лагерь.

   Гьединго Къваниб буго 1998 соналдаго рагьун букIараб «Рохел» абураб лагерьги. 2010 соналда гьелъие щун букIана «Республикаялда бищун лъикIаб лагерь» абураб цIарги. Гьебго соналъ сверун гъутIбиги чIун, берцинги гьабун букIана гьеб. Исана гьелъ къабул гьабуна 330-гIанасеб лъимер.

   Лъабго соналъ цебе КъахIиб росулъ рагьараб «ГIалило» абураб лагералъги исана къабул гьавуна 260-гIанасев чи.

    Лъабго соналъ цебе КъахIиб росулъ рагьараб «ГIалило» абураб лагералъги исана къабул гьавуна 260-гIанасев чи.

   ГIаммаб къагIидаялъ 800-гIанасеб лъимералъ хIухьбахъи гьабулеб буго исана Шамил районалъул лагеразда, - ин бицана М. МахIачевас.

 

Лъабго лагералъ рагьана нуцIби
Прочитано 108 раз Последнее изменение Четверг, 24 июня 2021 12:45

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий обязанности главного редактора:

Умахан Амирханович Умаханов

_____________________________

 

f1  in1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх