Щиб хIал бугеб, ветеран?

 

    Гьединаб цIаралда гъоркь Дагъистаналда тIобитIизе буго ТОКСалъул 50 сон тIубаялъул хIурматалда хIадурулеб акция. Гьеб байбихьана тIоцебесеб марталда ва халат бахъине буго 15 апрелалде щвезегIан.

    ДРялъул Лъай кьеялъул ва гIелмуялъул министерствоялъул тIадкъаялда рекъон, акция тIобитIулеб буго ДРялъул ГIелмабазул гьитIинаб академиялъ. Гьелда гIахьаллъизе бегьула лъай кьеялъул идарабазул цIалдохъаби, ТОКСалъулгун гIагараб ракь лъазабиялъул гIуцIабазул ва школазул музе- язул хIаракатчагIи.

    Акциялда гIахьаллъизе бокьарав цIалдохъанас хIадуризе ккола альбом яги суратазул коллаж. Гьелда рукIине ккола «Дир умумул – КIудияб ВатIанияб рагъул гIахьалчи» яги «Росабазул, районазул, шагьаразул гIадамазул захIматалъулаб бахIарчилъи» абураб темаялда хъварал очеркалгун интервьюял.

    ХIадурараб альбом битIизе ккола гьаб адресалда бугеб ТОКСалъул музеялде: МахIачхъала шагьар, Хважалмахьинская, 43А. Материал къабул гьабизе буго 10 апрелалде щвезегIан.

    Рехсараб акциялъул заманалда муниципалитетазда рукIине руго субботникалги. Гьезул аслияб му- рад буго памятниказда, ветераназул цIарал лъурал къватIазда ва хIухьбахъиязул ахазда рацIцIалъи гьаби, гъутIби чIей.

   Акциялъул хIакъалъулъ баянал ратила гьаб сайталде раккани: https://dagman.ru/upload/iblock/5ae/5 aed2b3a149c977139b266a2477d3667. pdf