КватIичIого (54 моцIида жаниб) МахIачхъалаялъул аэропорталда аскIоб базе буго онкодиспансер. Гьелда тIад харж гьабизе буго 14 млрд гъурущ. Гьелъул цо къадар хIукуматалъ, цогидаб къадар бизнесчагIаз кьезе буго.
Онкодиспансер бай тIаде босулеб буго «МедИнвестГрупп» абураб гIуцIиялъ.
Проекталда рекъон, гьениб базе буго поликлиника, стационар, операциязулгун реанимациялъул, радиологиялъул, реабилитациялъул, паллиативнияб кумекалъул отделениял, диагноз лъеялъул лабораториял.
Гьединаб диспансер кутакалда хIажат буго нилъее. ДРялъул Сахлъи цIуниялъул министерствоялъул баяназда рекъон, онкологиялъ унтарав 29 азаргоялдасаги цIикIкIун чи вуго республикаялда.
