FaceBook  tg  in  yt  rss

ГIадамазе гIорхъи чIвана

Республикаялъул Роспотребнадзоралъ лъазабуна хварав чи вукъу­леб мехалъ гIемерал гIадамал хабаде хьвадугеян.

ГIадамазе гIорхъи чIвана

 

ГIорхъичIваял лъазариялъе ас­лияб гIилла ккола республикаял­да ковидалъ унтулел гIадамазул къадар цIикIкIунеб букIин. Гье­динлъидал ДРялъул аслияв са­нитарияв тохтур Николай Павло­васда лъикIаблъун бихьулеб буго ахIвал-хIал гIодоцинегIан хабалазде гIадамал хьвадичIого чIей.

 

Гьел гьукъа-къаял хъатIизе гьечIо чи вукъулеб бакIалда чара гьечIого гIахьаллъизе кколел гIадамазда ва хварасул цересел гIага-божаразда.

 

 

Хас гьабун мажгитазде ва хаба­лазде гьарулел зияратал щай гьукъу­лелин гIайиб-гъвел гьабулел чагIиги камуларелъул, мисалалъе, жамгIияб транспорталда щай рекIине бегьу­лелин абулеб буго гIадамаз.

 

Гьелда бан «МахIачхъалаялъул гIолилал» жамгIияб багъа-багъа­чариялъул нухмалъулев, жамгIияв хIаракатчи Къородаса Шамил ХIасанхIусеновас гьадин бицана:

 

- Тохтурзабазги, Роспотребнадзоралъги абураб гIадахъ босичIого чIей гIакълу гуро. Г ь е д и н л ъ и д а л нижецаги (гIолилазул жамгIиял гIуцIабаз) киса-кибго абула цIодорлъи гьабейин, гIемер гIадамал ракIарараб бакIалде инчIого чIани, лъикIаб бугилан.

 

Амма цо-цо гIолилаз, гьединго чIахIиял чагIазги абулеб рагIула дида гьеб унтудаса жив хIинкъуларилан. Гьединаздаги абизе бокьун буго, дурго ургъел батичIони, дудаго аскIор ругел гIага-божаралниги щвайин гьединаб мехалъ ракIалде.

 

- Мисалалъе, гьеб унтиялъ каву рагьичIеб цониги росу, хъизан батиларо. Гьебги бихьун, гьанже кIиабилеб карачел байбихьидал, цIодорлъи гьабулел чагIи цIикIкIунел руго. Гьеб гуребги, унтул тIоцебесеб карачел тIибитIулеб заманалда гIадамазда гьелъул хIакъалъулъ лъалеб ва бичIчIулеб жо дагьаб букIиналъги хIалуцинабун букIана иш. Гьанже республика­ялъул тIалъиялъги, Динияб идара­ялъги, гьединго информациялъулал алатазги кьолеб баян г1емерлъидал иш лъалаго лъикIаб рахъалде хиса­на. Гьелъ лъикIаб хIасил кьунищин гьикъани, узухъда, кьуна. Дида све­рухъ гьедин бугоха, ракIалде ккола цогидал бакIаздаги гьедин батилин.

 

 

Хабалаздего гIадин, мажгитазде хьвадиги дагь гьабейин лъазабун букIана Роспотребнадзоралъ. Гьеб пикруялъул рахъги ккун, гIадамазде хитIаб гьабуна республикаялъул Динияб идараялъги.

Прочитано 170 раз

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий обязанности главного редактора:

Умахан Амирханович Умаханов

_____________________________

 

f1  in1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх