«Дагъистан» мэриялъухъе тIадбуссана

 

МахIачхъалаялъул Буйнакскиясул къотIноб бугеб «Дагъистан» гостиница жидерго къайимлъиялде гъоркье тIадбуссинабизе кIвана гьал къоязда МахIачхъалаялъул мэриялда.

 

   ГIемерал соназ гостиницаялъул минаялда жаниб букIана Ростовалъул пачалихъияб росдал магIишаталъул университеталъул филиал. Цо кидаялиго гьеб университеталъ ижараялъе босун букIараб гостиницаялъул мина-карт нахъбуссинабизе кIолеб букIинчIо мэриялда. ЦерегIан соназ, судалде гIарза битIаниги, гьел разияб хIукму лъугьинчIо гьелъул. Гьаб нухалъ цIияб судалъул хIукмуялдаса хадуб кIвана гьезда гостиница жидехъего тIад буссинабизе.

   Советияб заманалда, МахIачхъалаялда бищун рикIкIунезул цояб букIана «Дагъистан» гостиница. Гьанже цIигьабун къачIазеги къачIан, цIияб рухIги речIчIизабун, хIалтIизе биччазе ракIалда буго мэриялда гьеб.