Республикаялда рагьизе буго щуго цIваялъулаб отель. ЦIияб гостиницаялъ нуцIби рагьизе руго 10 сентябралда, МахIачхъалаялда.

Гостиницаялъул администрациялъул баяназда рекъон, «Аль -Фирай» отель рагьиялъул хIурматалда тIобитIулеб тадбиралда гIахьаллъизе Дагъистаналде рачIине руго Россиялъул чIахIичIахIиял турфирмабазул ва авиакомпаниязул вакилзаби.

  Отелалда рукIине руго сакъатлъи бугел гIадамазе хIажатал шартIалгун ресалги.

 Исана туристазул гIемерав чияс республикаялде гьабураб «гьужумалъ» бихьизабуна гьалбал къабул гьаризе гостиницаби гIолел гьечIолъи.