FaceBook  tg  in  yt  rss

Хасалида дандчIвай гьабизе хIадур руго

 

 

 

27 октябралда Сергей Меликовасул нухмалъиялда гъоркь тIобитIараб Оперативияб штабалъул данделъиялда бицана хасалиде республика хIадур букIиналъул хIакъалъулъ.

- Киналго рукъазабахъе хинлъи кьунин абураб баян бачIаниги, гьелда хъвараб къагIидаялъ батулеб гьечIо. Чанги бакIазда гIунгутIаби тIатунел руго, - ян абуна С. Меликовас данделъи рагьулаго.

  – Мисалалъе, гъоркьисаго гIадин исанаги рагIалде бахъинабун гьечIо ДагъОгни шагьаралда гьеб рахъалъ гьабулеб хIалтIи. Амма шагьаралъул нухмалъулев Жалалудин ГIалирзаевас

жаваб кьун букIана шагьар хасалиде хIадурго бугин.

Гьединго шагьаралде газ бачине кколеб букIараб идараялъулгун къотIи-къаял гьаричIолъиялда бан, гIалагъважаялда рагIула иш Избербашалдаги. Гьениб гIадамаз гIумру гьабулел рукъзал хутIун руго хинлъиги бухIараб лъимги гьечIого. Гьебго хIал рагIула социалиял объектаздаги. Коммуналияб магIишат хасалиде хIадур гьабиялъул мурадалда, 141 миллион гъурущ биччан буго республикаялъул бюджеталдасан. С. Меликовас бицаралда рекъон, исана тIоцебесеб нухалда биччан буго гьебгощинаб гIарацги. Гьеб гIарцуде коммуналиял хъулухъал тIураялъе хIажатаб 500 техникаги босанин ва гьеб районазда гьоркьоб бикьанин бицана республикаялъул бетIерас. - ДагъОгни шагьаралда гIадамазул минабахъе хинлъи къотIизабиялъе гIилла ккана бухIараб лъим кьолел чIахIиял къалал басралъун рукIин, - ан абуна хIукуматалъул нухмалъулев ГIабдулпатахI ГIамирхановас.

 - Церего нахъе яризаризе кколел гьел, жеги хIалтIизарулел ратиялъ ккана гьеб кинабго гIала-гъважа.

Данделъиялда, гьединго, бицана токалъул мухъазул бугеб хIалалъулги хIакъалъулъ. «Россети Северный Кавказ» – «Дагэнерго» ПАОялъул цадахъаб программаялда рекъон, токалъул мухъал, подстанциял къачIазе байбихьун руго. Мисалалъе, МахIачхъалаялда чанго подстанцияги, цIикIкIараб хIалуциналъул токалъул кваралги хисун руго. Ноябралъул авалалде киналго хIалтIаби лъугIизаризе ккола. Данделъиялъул хIасил гьабулаго, Меликовас лъазабуна 7 ноябралдехун киналго минабахъ хинлъи букIине кколин.

Хасалида дандчIвай гьабизе хIадур руго
Прочитано 33 раз

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий обязанности главного редактора:

Умахан Амирханович Умаханов

_____________________________

 

f1  in1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх