Миллиял театразул байрам

 

   28 сентябралда ГIурус театралда байбихьана халкъазда гьоркьосеб миллиял театразул кIиабилеб фестиваль. ТIоцебе гьединаб фестиваль тIобитIун букIана 2019 соналда.

  Гьеб гIуцIизе квербакъана Дагъистаналъул хIукуматалъ, Культураялъул министерствоялъ ва ГIурус театралъ.

   Фестивалалъул тIоцебесеб къоялъ театралъул конференц-залалда тIобитIана жюриялъул гIахьалчагIазулгун журналистазул пресс-конференция. Хадуб театралъул кIудияб залалда букIана фестиваль рагьулеб тадбир, ахиралда гьениб бихьизабуна абхазазул гIолилазул театралъ лъураб А. Лорентсил «Бакъ баккун хадуб» абураб спектакль.

   5 октябралде щвезегIан дагъистаниязда жидерго миллияб драматургиялдаса дунялалъул классикаялде щвезегIан спектаклял рихьизаризе руго Абхазиялъул, Ингушетиялъул, Татаразул, Азербайжаналъул, Мордовиялъул, Башкортостаналъул, Северияб Осетиялъул, Кабардино-Балкариялъул, Карачаево-Черкесиялъул, Югалъулаб Осетиялъул, лъарагIазул, лезгиязул, табасараназул, тумазул ва нугъаязул театразул коллективаз.

  Фестиваль тIобитIизе буго къец хIисабалда ва гьединго рихьизарун руго «Бищун лъикIаб бихьиназул роль», «Бищун лъикIаб руччабазул роль», «Бищун лъикIаб сценография», «Бищун лъикIаб режиссура» ва цогидалги номинациял.

  ХIалтIабазе къимат кьезе буго искусствоведениялъул кандидат, эксперт Елена Покорскиялъ, Россиялъул мустахIикъав артист Валерий Подгородинскияс, Россиялъул мустахIикъав искусствоялъул хIаракатчи Скандарбек Тулпаровас, Дагъистаналъул культураялъул мустахIикъай хIалтIухъан Изумруд ГIалиевалъ ва ГIурус театралъул нухмалъулев Тимур ХIажиевас.

  Киналго церерахъинал рихьизаризе руго миллиял мацIазда, амма букIине буго гIурус мацIалда гьабураб тар- жамаги. Фестиваль тIобитIизе буго ГIурус ва ЛъарагI театразда ва Дербенталда бугеб Лезги театралда.

 

 МухIамад МАНАПОВ