FaceBook  in  yt  rss

Хьитал чураралъухъ -  300 000 гъурущ

 

     Калининградалда бугеб гарнизоналъул рагъулаб судалъ, гьал къояз­да, хIукму къотIана нилъер республикаялдаса кIиго гIолохъанчиясда хурхун. Гьел ккола Расул Сайхановги Жамалдин МухIамадовги.

    Калининградал­да бугеб насрани­язул килисаялда аскIосан чвахулеб, дугIа гьабураб, лъе­де гъоркьеги ккун хьитал чураралъ­ухъ уголовнияб дело рагьун букIана гьезда тIад араб со­налъул сентябрал­даго. ГIолохъабаз рекъечIеб иш гьабу­леб мехалъ бахъараб видео рехун букIана социалиял сетазде. Телефоналде гьеб бахъарав чиги кколев вуго гьезулго гьалмагъ. Бицен гьа­булеб заманалда кIиявго гIолохъанчи вукIана Балтийскиялъул флоталда рагъулаб хъулухъ тIубалел.

    Р. Сайханов жинхъаго ккараб тохаб ишалда рекIекълъун вуго. Амма уголовнияб тамихIалдаса гьев тархъан гьавизе гIураб хIужа батичIин су­дья Константин Батеневасдайин хъвалеб буго «Коммерсантъ» газеталда. Гьез бицунелда рекъон, гьадинаб иш кканинги абун, живго лъикIав лъу­гьун Р. Сайханов полициялде вачIинчIолъи рагIула гьелъие гIилла.

    Ж. МухIамадов абуни гIайибалъе мукIурлъичIо. Жив хьититIе ккараб хIур бацIцIад гьабулев вукIанин, хIавузалда тIад чIван бугеб насраниязул хъанчил гIаламат жинда бихьун букIанин, амма гьелъул цо кIудияб сан­го гьабичIин абуна гьес судалда. Щивниги хIакъир гьавизе, гьединго на­сраниязул диналъул адаб тараб жо гьабизе мурадги букIинчIилан тIадеги жубана гьес.

   Судалъ хIукму гьабуна Расул Сахановасухъа 100 000, Жамалдин МухIамадовасухъа 200 000 гъурщил гIакIа бахъизе.

   Ашахан ЮСУПОВ

 

Хьитал чураралъухъ -  300 000 гъурущ
Прочитано 46 раз

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий обязанности главного редактора:

Умахан Амирханович Умаханов

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх